一個人也可以系列-無聲喇叭

前日我個喇叭突然之間有一邊無左聲，其實我都估到係我親愛嘅貓兒造成，事關佢經常跑到電視後面，死推死撞就經常把我的喇叭推倒在地上！所以我已經預左佢好快壞架喇...

我返咗娘家，搵到兩個已經發黃既陳舊喇叭，本身應該係電腦喇叭用的，所以佢嘅線頭係連花頭，不可以直接駁到本身既woofer，所以返到去要自己剪。

一個人也可以系列 - 停了的鐘

有一日，我發現左我屋企個廳個鐘，慢左。咁我好自然就覺得，係唔係無電呢?
之後就二話不說拆佢落來換電，點知就係太快，啪一聲，佢跳左樓...
拎返起佢果時已經無哂心跳，但無計啦，可能後面電池鬆左啦，咁都要照換電
換左新電之後，望一望，唔 ? 無反應，再拆左粒電入多次，都係...唔行...

一般人可能，賣過啦，幾廿蚊，不過!我當然唔會放過佢，無理由跌一跌就死左既!
因為個鐘既針，同個身係夾住個鐘既面的，所以要成個鐘肉拎出來，一定要拆哂先
所以我就開始拆開佢睇下喇!

一個人也可以系列 - 廁所水箱

唔知大家有無試過，廁所水長流入個水箱，滿到瀉出來既經驗?
關左個出水，又唔方便，長開搵個筒裝住或者用地拖響下面接住，都唔係解決既方法。
一般搵個師傅上門睇下就收$200，都未計整，所以我都係決定自己試下整!

第一我先要確定係頂水果個波曲(ball cock)有問題，咩問題就唔知喇....所以決定落五金舖問下。

有風味+ 勁串嘴- 爵士拉麵

我呢，最鍾意食麵的， 可能係細細個就被公公寵壞了， 一見到有麵食 ， 就拎個碗仔，
望著公公就有得食， 大個左之後， 公仔麵、拉麵、雲吞麵由其得我心，
事關我比較喜歡食麵質比較硬的麵條， 軟綿綿的我一點也食不暇下。
所以食日本拉麵， 就最得我歡心， 因為除了湯底濃之外， 麵質可以選擇比硬， 食來特別正！

返啅又返啅-奇趣焗雪山

真心講，個人來說不太喜歡吃甜品， 最喜歡就是古古力:-)
其他的甜品？ 好像人人都說很好吃的松記， 我也不覺有什麼特別，
不就是把水果跟一些西米放在一起罷了。
如果我去食甜品， 就一定選擇一些比較特別的甜品， 尤其是名字很古怪的， 我更有興趣去嘗試， 就好像我今次要說的- 火焰雪山， 我真的非常喜愛吃！

老實說， 其實它的用了不是什麼特別的， 只是一隻雞蛋白， 放在兩個雪糕球上面， 不過因為它用過火槍，燒 那些雞蛋白， 令上臺時， 表面的雞蛋白， 金金黃黃的， 熱辣辣， 用匙羹進食的時候， 外層熱熱的， 裡面的雪糕， 還是凍冰冰， 冰火感受， 很是爽！ 加上， 他會加一些 士多啤梨醬 在碟的周圍， 酸酸甜甜， 非常好吃！ 不過他的價錢一點都便宜，$35一個， 不過份量算幾多，兩個人食都ok!

「正常」與「不正常」性傾向歧視立法-有感

文明的社會應該是開放、公平、互相接納，這陣子見太多對性傾向歧視立法的「攻擊性」的討論，現在每天看到的就是攻擊、孤立、排外。眼見很多新聞的下面都有可以回留言的小格仔，之後你就會見到好多好恐怖的回應，例如好多人都會用「正常」「不正常」「違反道德」來批評同性戀，又有人會講「你變態都唔好要人地認同你」等等帶有攻擊而且充滿歧視的字眼來留言，試問，咁樣叫做社會上無歧視?無偏見?無攻擊?

潮爆酒店 如心艾諾酒店

各位，我好高興，過左今日我又大歲了！拍拍拍！妖！
今年事關真係工務煩忙，都無咩去慶祝，不過令我好驚喜既，
係哩間新開響我公司附近既如心艾諾酒店，
有留意既朋友一定知道我響佢地做宣傳果時拎左d好睇唔好食既能量捧，哈！
日日望住佢，終於有機會入住下！入到大堂，因為個地基既問題，
其實佢無話咩突然好闊落，不過最爆既係佢check in ,
並唔係一入lobby就有front deck,而係要去到佢最高果層35樓！

上到去你就明，因為佢果個位基本係飽覽整個牛頭角，仲望埋對面海，講堅，係好吸引，
不過另一樣吸引我既係佢用來幫人check in果4部 15吋macbook  pro!
SHIT！係macbook pro!竟然拎來做check in!
姐係我知蘋果機係好似型d，不過係唔係大才小用左？仲要弱智地，
為左令front desk既同事就手一d，響本身有keybroad 既macbook pro上再外接 一個蘋果鍵盤，
等佢長d,再加上佢又唔好好利用wifi等等既網絡配套
最後就成枱都係線，又上網線，又充電線，仲要加條豬腸，
都未夠，最頂引係佢竟然用上lenovo 既mouse, 當刻，我敗了。

不過入到房間，真係順哂氣，因為真係唔錯，果日仲要upgrade左去套房，
間房好多野都係好生動， 窗簾可以拉一拉就自動關起來， 房燈以旋轉式開關，
又有高清電視， 真係可以玩一晚
套房又有微波爐， 仲有咖啡機，連送果的茶包亦是名牌貨， 確實大手筆！
最正的，係入住就送8支野飲，雪好哂，仲要一d都唔馬虎，支支正野，
又青島，又支裝可樂，真係好爽!

訓酒店， 其實最大獲， 都係張床， 張床其實都唔錯， 軟硬度適中， 枕頭又係軟綿綿果款， 不過又未置於食哂個頭入去果隻，都仲有得訓下，張被就大大張好鬼厚果d啦，不過都幾舒服既。

其實以佢既位置的確唔係旅客酒店，點睇都係商務酒店多，房入面到仲懶HIGH咁有部iPad，可以俾你禁下room serves咁，其實都幾多野玩，下次再有機會去，我會多d時間玩哂佢d野~~~

http://www.lhotelelan.com/
tel:852-3968 8666
38 Chong Yip Street, Kwun Tong, Hong Kong